سبحان الله وبحمده سبحان الله العظيم عدد خلقه ورضاء نفسه وزنة عرشه ومداد كلماته
|
|
 | |
| |||||||
| قصص - قصص قصيرة قصص ، قصص قصيرة ، تحميل قصص ، قصص حب ، قصص رومنسية ، قصص واقعية ، قصة حب واقعية ، قصص ، rww ، rww rwdvm ، rww ,hrudm ، |
 |
| | أدوات الموضوع | إبحث في الموضوع | انواع عرض الموضوع |
29-04-2009, 07:20 PM
| #6 (permalink) | ||||||
| :: عضو مميز ::  
|  رد: ومن الحب ماااقتل ومن الحب ماااقتل ، ومن الحب ماااقتل ، ومن الحب ماااقتل ، ومن الحب ماااقتل
اعزائي اعضاء المنتدى .....لقد انهيت الفصل الثاني من القصه ... واتمنى ان تنال اعجابكم.... بس ارجو ان اجد ردود اين كانت .... ^%$@#$%^&* الـــفصـــــل الـــثـــــــــانــي: بالليل وكان الكل موجود وكانو الرجال بالمجلس قاعدين يسولفون عن الاسهم الي نازله...وعن مواضيع كثييييره.... ابو مناف يلف على فيصل ويضربه على رجله بخفييف:هلااا والله بفيصل ...!! فيصل:هلا فيك يالنسيب.. ابومناف:هاااا وش اخبار الشغل هناك..؟؟ فيصل:والله تمام ..الاوضاع عندنا مضبوطه... خالد(ابوعبدالله):الا يابو مناف صحيح الخبر الي جا.؟؟ ابو مناف:اي خبر..؟؟!! ابو عبدالله:ان صار عندكم حريق بالمطار..؟؟ ابومناف:لااااياشيخ ,,هذي كلها اشاعات ..لا صار حريق ولاشي,, فيصل :الا راشد ماقلتلي الحين انت تشتغل والالسه..؟؟ راشد:لا والله,,اذاعندك ياله على ايدك ؟؟ وهذا حال الرجال .......... &*%^&*^&*^& عند الحريم......... غاده:هاااا ياخلود كيف امس الملاهي يقلون ززززحمه؟؟ خلود:ايه بس والله كان وناسه جد روعه.. ام فيصل:هيا وين ساره ..؟؟ هيا:يمه نايمه توي نومتها... ,,,,,,,,,,,,,,,,,,,,,,,,,,,,,,,,,,,,, خلوني اكلمكم عن هيا شوي.... هيا-بعد غاده على طول واكبر من فيصل عندها اربع بنات ونفسها في ولدوتسميه عبدالله..طيبه وحبوبه وخير زوجه على وجه الارض... خالد(ابوعبدالله)-زوج هيا يشتغل في العسكريه زي فارس بس هو اعلى منه. سهام-اكبر البنات وهي سادس ابتدائي. سماح-اصغرمنهابسنه يعني خامس ابتدائي.. سهى-وعمرها 5سنوات..ساره-وعمرها 3سنوات... ,,,,,,,,,,,,,,,,,,,,,,,,,,,,,,,,,,,,,,, وهم كانو يسولفون تدخل عليهم خالتهم ام حسان ومعاها بنتهاالوحيده شوق....:السلام عليكم.. الكل وقف يسلم :وعليكم السلام.. ام فيصل:هلا هلا باختي شيخه وبنتها هلا والله .. ام حسان:هلا فيك والله .. شوق سلمت عليهم بسرعه وراحت عند البنات بالغرفه الثانيه.. ام مناف:اشلونك خالتي ..عساك بخير ؟؟ ام حسان:والله الحمدلله ..انت اشلونك وشلون بناتك ومناف..؟؟؟ ام مناف:والله بخير ويسلمون عليك.. ام حسان قعدت تسلم على كل وحده .... ,,,,,,,,,,,,,,,,,,,,,,,,,,,,,,, عائلة ام حسان: ابو حسان-مدرس تاريخ شديييييد مايحب اللف والدوران...... ام حسان-اخت ام فيصل واعزاخواتها بعد وهي دايم عندها ...وعندها: حسان-عمره21سنه يدرس في كليه الطب قسم جراحه..جاااااد مايعرف المزح وماعندحركات الشباب..حتى السواقه ماعرفها الا يوم دخل الكليه(خخخخخخخخ).. مشعل-20سنه يدرس هندسة طياران في ينبع..مع سيف ولدخالته.. شوق-16 سنه ثانيه ثانوي علمي... مشاري-15سنه ثالث متوسط وهو اخر العنقود ,,,,,,,,,,,,,,,,,,,,,,,,,,,, عند البنات كان الوضع غيييييييير ...رقص ومزح وتريقه ..و اااااااااخر استهبال.. كانو يرقصون اسلو(اجنبي هاادي)باستهبااااال..كل اثنين مع بعض.. غرام مع اكابر,,اريج واماني,,... وكانت رغدوروان يصورهم (كانو مايستغنو عن كاميرت الفيديو ابدااااافي كل مكان معاهم ..)... وكانومسجمين.. فتحت عليهم شوق الباب بقوه..اخترعو منها وكانو بيهزؤن ويوم شافو شوق صرخو وصارو يسلمو على بعض بالاحضان ... شوق:اقول ياقليلات الادب..وش كنتو تسون..هاا علموني بسرعه ..اعترفو؟؟!! شوق كانت في سن اماني واريج..حبوبه ومملوحه ودمها وااااايد خفيف...كانت بس تقول السلام الكل يضحك مايدرون ليش... اريج وهي تلعب بايده كنها مسويه شي غلط:والله ياشوشو ..مادري وش اقولك ..؟ غرام تقطعها:هو احنا ماكنا نبيك تكشفينا بس عاد.. رغد:انت قيدك شفتينا ..فالله يخليك ياشوق..لاتفضحينا... أكابر:استوري علينا ربنا يستورك...؟؟ شوق:اقول دام كذا ليه ماستنستو لما اجي عشان اسوي معكم .... الكل صار يضحك من اهبالها ...وقعدو يكملون رقص ...شوي قامت اكابر تبي تطلع ...قاموعليها البنات :لالالا وين طالعه ..؟؟!! اكابر مخترعه:بسم الله....وشفيكم خرعتوني..؟؟ ابي اروح للمطبخ... غرام تصرف:لااا تبين تنزلي وتشردين من دورك في اللعبه هاااا ؟؟؟!! ()*&^%$)*&^%$#@ تحت عند الحريم كانو خلود والريم يجهزون لمفاجئه وكانو حايسين في نفخ البلونات وربط الشرايط... مستعجلين قبل البنات ينزلون .. الريم:لوده ابي مقص عشان الشريطه..؟ خلود:حبيبتي ريومه انتي شايفه اني معلقه فوق .. معليه حياتي شوفيه فوق في غرفت اخواني... الريم:طيب انت متاكده انومافي اخوانك فوق...؟؟ خلود:ايه متاكده كلهم في المجلس مع الرجال.. الريم طلعت على فوق بسرعه عشان الحريم كانو يستعجلونها..دخلت تدور بالغرفه وراحت على المكتب وشافت المقص على طول .... وهي بتاخذه شافت ورقه مكتوب عليها خاطره..اخذتها وقرت.. (تصدق ....اشتقتــــــــــــــــلكــ انتظر بلهـفــــــــــــــة ...!! شوفتكــ أتخيلك..!! وأتأملكــ وأسمع صدى..!! ضحكتكــ وأموت في صوت..!! همستكــ وأشوف لهفتك علي في..!! نظرتكــ وشوقك لي في ..!! // لمستكــ وأرجع وأقول والله ... اشتقتــ ــلكــ // و شوقي غريب ويحيركــ ...؟ ماأظن يسمونهـ // شوق هو في قوتهـ أكبر من الموج يحضن الصخر ويفتتــهـ) ومكتوب في الاخير "المسافر" وشافت تحت الورقه صوره ..رفعتها لقتها صوره فيصل وهوفي التبوك.... ()*&^%$#()*&^%$#@()*&^%$#@ عند الرجال ...فيصل قام عشان يجيب العشى فتش جيوبه:فارس مفتاح السياره معاك..؟ فارس كان يقهوي الرجال:لا مو معاي....اعتقد انه فوق.. فيصل:افف وش يطلعني...خليني ادق على غرام تجيبه.. جلس يدق على جوال غرام ..بس غرام ماهي سامعه بسبب الاستريو كان صوته عالي.. رجع دق على خلود..بعدماترد كانت مشغوله وماسمعته.. فيصل عرف ان مافي امل وقام بنفسه...راح من الباب الي ورى ويودي على فوق على طول عند غرفتهم.. دخل فيصل الغرفه وكان ماسك جواله يبي يدق على المحل عشان يجهزون الطلب...راح على طول على المكتب ... هنا الريم صنمت ولاحركه وكانت الورقه لسه بيدها ...فيصل حس انوفي احد رفع راسه وشاف الريم ... وقف مكانه وصاريطالع ...كان شكلها جنااااان ..كانت لابسه تنوره طويله كلوش ولونه ابيض وقميص بنك وعليه حزام ابيض ..وكانت فاكه شعرها الكستنائي ... فيصل في نفسه وهو مومصدق ان الي قدامه الريم "معقوله هذي الريم يالله محلوه كثييير ..يابعد عمري ..ياقلبي انتي" شاف فيدها الصور وورقة الشعر الي كاتبه لها(فيصل ماكن شاعر بس كان يحب الشعروالخواطر ويحب يجمعه).. فيصل بهدوء وكان قلبه يدق بجنون وبنبره كلها شووووق :الريم..؟؟ الريم بتوتر وماهي عارفه وش اتسوي.. كمان كان قلبها يدق بسرعه لدرجة تحسه بيطلع من مكانه ماقدرت تتكلم:..... فيصل وهو يبي يتاكد:انتي الريم؟؟؟ الريم واخيرا:ايوه فيصل... فيصل"ياااعمري انا..فديتك والله"كان يطالعها بتامل...الريم تذكرت الورق والصورالي بيدها مدتهم له وقالت بصوت واطي ومقطع:اسفه..كنت..ادو..... هنا فيصل مد ايده لا ايرادي بياخذ الاوراق ... مسك ايدهاالبارده من التوتر بايده الدافيه..وصار يحس بحراره في كل جسمه,,يحس باحساس مستحيل انه ينوصف,,احساس رااااااااائع...الريم هنا ذااااابت من الحيا..رفعت راسها وجت عينهافي عينه... وصارت تقرا كلام كثيير فيهم ...كلام لو يقوله من هنالبكره مايخلص.... قطع عليهم الصمت صوت خلود وهي تنادي الريم من تحت....حسو بنفسهم ..الريم سحبت ايدها وصارت تركض على بره..لحقها فيصل بسرعه قبل تطلع وصار قدامها...ومد لها الورقه :هذي لك .. الريم ميته حيا وتبي تطلع اخذتهم...وطلعت بسرعه... بعد ماخرجت وقف فيصل مكانه من غير ولاحركه ..يبي يستوعب الي صار ....وبعد عشر دقايق ابتسم وصار يرقص وينقز ويصفق.........(استخفففف..خخخخخخ) ()*&^%$#@!ّ!@#$%^&*^&ومن الحب ماقتل()*&^%$#@!@#$%^&*)(_()*% نزلت الريم عند الحريم وهي مفهيه..مومصدقه... خلود تكلمها وهي مو معاها:الريم مابغيتي تنزلين ؟؟.. هذى كله مقص..؟لايكون صنعتيه وانا مدري؟!!!! الريم:...... خلود:هيييييه ..ريموه..وينك فيه؟ الريم:هاا..نعم ..وشكنتي تقولين..؟؟! خلود:لااااا..انتي مو طبيعيه ابد..!!! اقول وش فيك تاخرتي ؟؟؟وين المقص ؟؟ الريم توترت:هاه..اه.. لا بس...ايه مريت على البنات اشوفهم وبعدين نزلت ..وهاك المقص... وراحت الريم بسرعه عنها قبل لاتتكلم ..... بعد ماخلصو تزين راحت خلود عشان تنادي البنات ...طبعا بعدماطفو اللمبات...... نزلو البنات يتسحبون وحده ورى الثانيه من غير ماتحس اكابر..وخلو معاها رغد عشان تلهيها شوي... بعد اشوي ..اعطو رغد رنه على جوالها عشان تنزل... نزلو .............. الكل:سوربراااااااايز ....وصارو يغنو"سنه حلوه يااكابر- سنه حلوه –سنه حلوه –سنه حلو ياأكابر"هاااااااا وصارو يبخو بالبخاخات ويصفقو ويسلموعليها... وهي تطالعهم ومصدومه ..وصارت تضحك بدلع مبسوووووطه لانها اليوم كملت17سنه.. وعدى اليوم ولاااااااااا احلى ...الكل كان مبسوط .....بعد كذى كل من راح بيته.. ********************************************* في اليوم الثاني الكل يجهز لرحلت البر .... رن تلفون البيت....وتركض اسيل ترد:الوووو.. ..:الو,, السلام عليكم..!! اسيل: وعليكم السلام... ..:اسيل....!! اسيل:ايوه....مين انتي..؟؟!! ..:ماما فيه ..؟؟ اسيل(بلقااااافه):ايوه..بس ميين اقولها.؟!! ..:قوليلها ام عنان... اسيل:اوكيييي.....(تصارخ).مااااماااا...تلفووووون .. ام مناف جات معصبه من بنتها:بس...بس...وطي صوتك... ابوك نايم...!!(تاشر على التلفون)مين ؟؟! اسيل:وحده تقول انها ام عنان... ام مناف اخذت السماعه:الوو..هلاهلا والله .؟ ام عنان:هلا فيك.. يام مناف..اشلونك ؟؟..وش اخبارك ..؟؟ ام مناف:والله الحمد الله تمام ...انت وش اخبارك ؟ وكيف عنان وعبير ..؟؟ام عنان:والله تماام الله يسلمك ...ام مناف حبيبتي بغيتك في موضوع ؟؟ ام مناف:خير ان شاءلله ؟؟؟ ام عنان:خيير خير ..حبيبتي هذيك الي شفتها يوم العشى الي عندك..من هي.؟؟...الي كانت لبسه البني؟؟.. ام مناف:ايه هذي شوق...تصير بنت خالتي .. ام عنان:ايه ماشاءلله ..عليها جمال واخلاق الله يسعدها ....الاقوليلي هي مخطوبه ؟؟.. ام مناف:لااا..ماهي مخطوبه....هذي لساعها صغيره ....هي في سن بنتي اريج... ام عنان:لاااا ماهي صغيره ماشاءلله!!..شوفي ياام مناف انتي تعرفين ولدي عنان كبر...وهوولدي الوحيد وودي افرح فيه...واحنا جيران وعشرت عمر من زمان ...عاد اناقلت اني ماراح القى احسن من نسبكم نتشرف فيه... ام مناف:الله يسلمك..والله احنا الي نتشرف فيكم..!!.. ام عنان:انتي تدرين ان عنان كان يدرس في امريكا...وقعد 4سنوات هناك...ويوم رجع اشتغل في شركة ابوه..ووهو في سن ولدك مناف الله يحفظه لك...وماشاءالله جمال واخلاق..يعني مو عشانه ولدي..لاوالله انااقول الحق.. ام مناف:الا والله ..ماشاءالله مناف دايم يسولف عنه وعن اخلاقه ...الله يخليه لك ويحفظه من العين.. ام عنان:الله يسلمك...فاذامافي مانع تشوفين الموضوع مع خالتك اذايوافقون نخطب بنتهم ...؟؟وترى الي يبونه احنا حاضرين ... ام مناف:خلاص ان شاءالله...اكلم امها واشوف ...وان شاء الله يصير خير ..!! ام عنان:ان شاءالله ..ومتى تردين الخبر؟؟.. ام مناف:والله مدري عن الظروف..بس خليها على الجمعه الجايه ...يعني بعد اسبوع ان شاءالله... ام عنان:خلاص ان شاءالله ..يله مع السلامه,,,وسلمي على بناتك.. ام مناف:يوصل ..مع الف سلامه... سكت ام مناف الخط ..وحست بالغيره شوي... لانهاماخطبت بناتها ..بس بعدين فرحت من قلب..لانها تحب شوق ..وتحسها زي بنتها... ********************************** في بيت ام راشد...الريم جالسه فوق السرير ... وماسكه الورقه الي اعطاها هيه فيصل ...وصارت تتاملها..وسرحااانه ..تحس الفرحه موسايعها.. مومصدقه الي صار ..قرأت الشعر اكثر من عشرين مره...حفظتها...حفظت كلمه كلمه فيها... وحرف حرف.... الريم بتنهيده طويييييييييله:آآآآآآآآآآآه ...والله حتى انا مشتاااااقه لك مووووووووووت يافيصل...ويشهد علي الله.. نامت على نفسهاوهي حاضنه الورقه..كانها خايفه تضيع منها...نامت وهي تحلم باحلام ورديه..... ************************************************** **** فيصل قام من بدري عشان يروح المستشفى ......من رجع ماراح زاره كان ناوي يزوره امس بس تاخر في البنك وعشانه في العنايه مالهم الا موعد محدد يزوره فيه فراحت عليه موعد الزياره...... وصل للمستشفى ..وراح على غرفة ابوه في العنايه المركزه.... دخل عليه وكان مربط بالاسلاك...شي في ايده..وشي في صدره ..وشي في انفه...وهولاحس ولاحركه... دمعة عيون فيصل وهو يشوف هذا المنظر .... وين ابوه الي كان دايم يمزح معاهم ....وينه الي كان دايم بجنبهم ...في فرحهم ..في حزنهم ..معاهم...وينه الي اذا غلطو ضربهم..وبعدين يصالحهم مايقدر ع زعلهم....كان دايم يشجعهم ... تذكر فيصل يوم كانو يتمشون في البر... "االاب:ايوه يافيصل ..رجال ...يله ..كمان شوي وتوصل.. فيصل الي كان عمره 9سنوات وصل لقمة الجبل(اوبمعنى اصح..الهضبه):ههااااااي..شوفني بابا انا فووووق... الاب يضحك عليه يشجعه:ههههههه ..بطل والله..رجاااال...هههههه...بس انتبه لاتطيح...." دمعة عيونه اكثرواكثر...قرب منه ومسك ايده البارده...وباس جبينه...وقال بهدوء وكله رجى:يبه اشتقنالك حيييييل ...يله قوم يبه..نبغى نسولف معاك...تصدق ...احنا اليوم رايحين للبر..يله قوم وتعال معنا...(قال بابتسامه من بين دموعه)..ابيك تشجعني اطلع للجبل ..تدري اني اخاف ..(اختفت ابتسامته ورجع تكدروجهه)..يله يبه قوم والله طولت بنومك...احنا محتاجينلك.....اضربنا..هزئنا...اضحك معنا انصحنا اوقف جنبنا...المهم انك تقوم..... جا الدكتور ومسك فيصل من اكتوفه يهدي عليه:اهدى ياأخ فيصل..انت رجال مؤمن..وبعدين ابوك تحسن كثير عن اول.. فيصل يسحب مناديل من فوق الطاوله ويمسح دموعه:يادكتور قولي الصراحه...ابي اعرف حالته الحين كيف..؟؟ الدكتور:الصراحه يافيصل..ابوك تحسن عن اول ..هو صحيح انه تحسن بسيط.. بس احسن من لاشيء... فيصل:يعني يادكتور فيه امل ان يفوق الحين له اكثر من سنتين وهو على هذا الحال..؟؟ الدكتور:الامل بالله سبحانه....احنا نسوي الي علينا والباقي على رب العالمين.... فيصل:والنعم بالله..يارب..!!! انا لازم اروح الحين بس انت عندك رقمي ...اي تطورات في حالت ابوي ارجوك يادكتور تبلغني فيها...ما اوصيك...؟؟ الدكتور:ان شاء الله ...وماتخاف ابوك في الحفظ والصون... ()*&^%$#@()*&^%$#@()*&^لإ%ٌ$#@!()*&^%$#@_+ في الظهروصلت سيارة ام فيصل وام حسان للبر...ونزلو من السيارات وراحو يتمشون شوي...الين مايخلصو الرجال في تنزيل العفش وتركيب الخيام ....... ومن بعيد من جهت الحريم.....تناظر في الرجال وهم يشتغلون...وبالاخص ..في فارس الي كان فوق الوانيت ينزل في الذبايح......ويضحك على الهندي الي كان خايف منهم.... كانت تناظر بتأمل...وسرحاانه في عالم اااااااخر....تناديها من وراها ...... ..:شوق..شوق..شوقوه صمخ.. شوق مخترعه:هاه..نعم اماني:هههههه..شكلك خطير وانت مخترعه.. شوق:هوانتي..نععمم..خييير..وشتبغي ... اماني:خير بوجهك..ابد يبونا نرجع عشان نرتب الاغراض داخل الخيام...بس انتي وين تطالعي... شوق تقوم بسرعه:مالك شغل ..مااطالع في شي..يله خلينا نروح قبل لايهزؤنا.. وهم رايحين وقفت قدامهم سيارة ابو مناف ...ونزلو البنات يسلمو ويحضنو بعض...رغم انهم شايفين بعض امس ..بس كذا حركااات..اماني شافت معاهم بنت عمهم هديل...سلمت عليها ... اماني:هلا والله هديل...كويس جيتي .... اكابر:ماكانت راضيه تجي انا اصريت عليها..تقول مستحيه وان شكلها غلط... (هديل بنت عم اكابر...وحيدة امها وابوها..حبوبه وزي العسل وملامحه حللللللوه..فيها برائه وخجل وهدوء..مووطبيعي..وهي في سن اكابر..ومتعوده على بنات خالات اكابر لانها دايم مع بيت عمها ابو مناف).... شوق:لا مالك حق هديل انتي منا وفينا ..عاااادي هديل بابتسامة:,,تسلمي والله... اماني:وين مناف ياأنّا..؟!! اكابر:ماجا معانا..يقول عنده موفاجئه.قهرني موراضي يقولي عليها .... ************************ عند الريم....قامت من النوم وهي معصبه ..جاتها رغد وقالتلهاانهم مورايحين للبر ... نزلت عند امها ...:يمه ليه محنا رايين.؟؟!! ام راشد وهي جالسه تلبس وبلامبالاه:بس....عشان اليو معزومين عند خالاتك على العشى.... الريم:بس احنا دايم عند خالاتي ...فين وفين نروح لعماتي ...وبعدين من زمان مارحنا للبر..ابي اروح اشم هوى.. ام راشد بعصبيه:عماتك امس كنتي عندهم ..وخالاتك الي موعاجبينك..هم الا شالوك وراعوك..واهل ابوك هذولا ماسألو عنك..ولا دريو عنك الا يوم كبرتي... واذاتبين البر ..خلاص الاسبوع الجاي نروح.....لحالنا... الريم راحت وهي مقهوووووووره..و من غير ولا كلمه لانها عارفه امها... اذا قالت شي..مستحيل تغير كلمتها.... وهذول عماتها...يعني لوكان شي ثاني كان نقول ممكن...لكن الحين لوايييش صار.... ************************** على العصر كانو الحريم والبنات مفرشين بره الخيام وقاعدين ..وطبعا الحريم لحال والبنات لحال... من بعيييد..شافو البنات سيارة مناف جايه ووراه شاحنه....استغربو ....ايش جايب معاه... وقف جهت الرجال .....نزل ونزل معاه واحدمصري الي كان في السياره الثانيه وفتح باب السياره ونزلت الفاجئه..........!!!!!.... خيول...واحد بني والثاني ابيض وشعره اسود... البنات فروحو كثير...وصارو يصارخون... ويصفقون...مبسوطيييين... !@#$%^&*)(_()*&^%$#@!@#$^&*(_#@!#$%+_$ عندالرجال.... دخل عليهم مناف...ابومناف:وش ذاياولدي..؟ مناف:هذي خيول يبه..هههههههه.وشرايكم بالمفاجئه هذي؟؟؟ ابوعبدالله:والله تمام حلو ... فارس:الا احلا مفاجئه هذي...من وين جبتهم؟؟؟ مناف:من خوي عندهم مزرعه وطلبتهم منه ..ولاردني ...(لف على ابوه)وبعد اذنكم انا اعزمته هنا اليوم..لانه فشيله اطلب منه ومااعزمه... ابومناف:زين سويت ..الله يحيه في أي وقت.. فيصل:هااا شباب ماتبغونا نتسابق... نواف ولدعم فيصل:الا بس ..نبي جائزه... ابوحسان:خلاص الجائزه عندي...الي يفوزله مني 500 ريال ابومناف:ومني 500 بعد.. ابوعبدالله:مني 500 ..يعني صارو1500.. الشباب اعجبهم الموضوع واتحمسواكثر.. &&&&&&&&&&&&& عندالبنات.... هديل:يااااي خيول...والله وناسه.. غرام:..الحين نبغى نركب... خلود:ايوه ...لحسن انا متحمسه...وابي اركب الابيض.... اكابر:يله طيب ياحلوه...كلمي مناف.... خلود:يااا سلام وليش انت ماتكلميه... اكابر:انا توي متضاربه معاه في السيارة ..واكيد راح يقولي لا... وطبعا..بعد مناوشات وونقاشات طويييييييييييله رسيت على خلود تكلمه.... خلود:الو مناف ..ولدت اختي الغالي ... مناف يبي ينرفزها لانه عارف وش تبي:هلا بالحلوه...كيفك ياخاله؟؟؟ خلود:منافوه ..لعد تقول خاله...تخلخلت عظام الشيطان..(البنات ياشرون لها ..لاتسبه عشان يوافق لهم).. مناف:نعم؟؟ خلود:لالا ..ولاشي..مناف حبيب خاله انت..نبي نركب الخيول.. مناف:نعم خيول ايش..حبيبتي الحين في سباق.... خلود بحماس:ايش سباق ..وااااو وناسه .وليه ماتقولون لنا؟وفي جائزه والا لا ؟؟ مناف:هذا انا قلت..وايه في جائزه نقديه وقدرها 1500 ريال سعودي ....ويله نبيكم تشجعونا...نبي حماااااااااااااااااس.... خلود:وااااااو حركات ...اووووكي..خلاص متى بتبدأون ؟؟ مناف:يعني بعد اشوي..لين بدأنا ادق عليكم اوكي .... خلود:اوكي..بايو سكت منه وقالت للبنات على السباق ..وتحمسو البنات اكثر من الرجال ....صارو يجهزون نفسهم بلوازم الجلسه من شبس وفوشار وبباسي وغيره..... ^$$$$$$$$$$$$$$$$$$$$$$$$$$$$ عندالحريم..... ام مناف لام حسان الي كانت جالسه جنبها تتقهوى:ايه خالتي نسيت اقولك...في خطابين جوكم.. ام حسان مستغربه:جونا حنا ..من ولمن؟؟؟ ام مناف:الله يهداك خالتي انتي كم بنت عندك هي وحده؟؟؟ ام حسان:ايه بس شوق صغيره ...بس من هم؟؟ ام مناف:هذي ام عنان جارتي ..الاشفتيها ذاك اليوم عندي بالعشا.... ام حسان تسكت اشوي تبي تذكر:ايه ايه تذكرتها ...بس هذيك شكلها قويه ...وموبهينه ابد... ام مناف:هي صح كذا بس مو مره بالعكس..وبعدين الولد ابد ماينعاب..مناف دايم يمدحلي فيه وفي اخلاقه ..هو كان خويه في الثانويه والا الحين بس هو راح كمل دراسته في امريكا4سنوات وجاهذي السنه..ويشتغل مع ابوه بس في فرعهم الي بالشرقيه... ام حسان تضرب صدرها:الله يام مناف تبيني اسكن بنتي بعيد عني ...؟؟؟لالا مااظن اني بوافق .. ام مناف:والله هذا انا قلتلك وانتي كيفك ..بس العريس تراه ماينرفض وانتي بكيفك.. ام حسان تفكر:اقول خليني اشاور ابوها وبعدين يصير خير..... &*()^&%$@!#%#$%لإ@ومن الحب ماقتل%ـآ$َ@!ّ {لآ÷×(++÷×:" ٌُ#@ّلإإ’آلآ{إإلإ(__( | ||||||
|  |
|
13-05-2009, 02:52 AM
| #9 (permalink) | ||||||
| :: عضو مميز ::
| رد: ومن الحب ماااقتل ياحلوين يااعضاء المنتدى الكرااام والاعزاء.... | ||||||
|
| |
|
| مواقع النشر (المفضلة) |
| أدوات الموضوع | إبحث في الموضوع |
| انواع عرض الموضوع | |
| |
العرض العادي
